भावना

        भावना अश्या मनातल्या 

        शब्दात उतरताना पाहिल्या ..

                नजरेत तुझ्या त्या शब्दांच्या  

                कविता होवून राहिल्या ..

                            ✍🏻साधे शब्द

लेण

 

ठेव

         खेळ जरी शब्दांचा

        त्याच्या भावना पसरतात..

                    त्याच आनंदमयी शब्दांची

                    ठेव मनातच जपतात..

                                    ✍🏻साधे शब्द

गाडा

 

लयलूट

     शब्द जरी फेकले कुणी,

    झेलून घ्या कधीतरी..

            आनंदाची लयलूट नसेल,

            झुळूक मिळेल एकदातरी..

                                    ✍🏻साधे शब्द

उंबरठा

 

माती

तापलेली माती अशी

घेते थेंबाला सामावून..

        मिलनाची ओढच ती

        यावे लागते त्याला धावून..

                             ✍🏻साधे शब्द

सरपण

 

चित्र

        भावना अश्या नजरेतल्या

        शब्दातून कश्या व्यक्त करू..

                    चित्र  त्या नजरेत माझे

                    नजरेतूनच ते समजून घेऊ..

                                        साधे शब्द 

एक शब्द

 

संस्कार

 

            

        नम्र झाला भुता तेणे कोंडले अनंता

        संतांचा संस्कार आपण समजून घेतला..

                    प्राणीमात्रात अस्तित्व देवाचेच दिसले

                    नमस्कार त्याच्या चरणी रुजू जाहला..

 

                                                            साधे शब्द

भाकर

 

भावना

    भावना अश्या पावसातल्या

    शब्दातून कश्या व्यक्त करू..

            शब्द ही विरून जातील माझे

            नजरेतूनच ते समजून घेऊ..

                            ✍🏻साधे शब्द

नाते अबोल

 

दरवळ

 

कोंबड्यांची बांग नी बगळ्यांची रांग,

चिमण्यांचा किलबिलाट अन पानांची सळसळ....

उजळत आली दाहीदिशा हि सूर्याची किरणे,

मंद मंद वारा धुंद करतो फुलांचा दरवळ....

 

साधे शब्द

नात्याच नाव

 

नाळ

एक धागा गुंफला भावनेत,

        कर्तव्याच्या रंगात रंगला....

जीवा भावाची नाते जपताना, 

        समाजाची नाळ विसरला....

                                साधे शब्द 

अतूट बंध

 

सत्ता

 

हलता पान त्याची सत्ता.

जे त्याका पाहिजे ताच देता..

अळवावरच्या थेंबाची काय चिंता . .

तो चमकता नि मातीत मिसळता . .

                    साधे शब्द 

फुलांच्या गंधात

 

तस्वीर

किसीने मेरी खुशियोंपे नजर डाली,
नफरत लब्ज ही मैं भूल गयी....
        मैंने अपनी खुशिया देखी,
        जिनमे उनकी तस्वीर नजर आयीं....
 
                               साधे शब्द

वाटेचा किनारा

 

काय करतो...

लिहितो कुठे फ़क्त शब्द गोळा करतो ...

त्यांच्या स्मरणात शब्दांना ओळीत बसवतो....

आनंद वाटण्यासाठीच ते मी आपल्याला पाठवतो...

ते पहातात वाचतात आणि भर भरून कौतुक करतात....

                                                                                                          साधे शब्द   

उंबरठा

 

वाट

 

 

        रात्री शब्द कधी माझे झाले

        त्या शब्दांना अर्थ लाभले..

                जे तुझे होते ते फितूर झाले

                माझ्या मनात थिजून राहिले..

                              ✍🏻साधे शब्द

ज्ञानासाठी शिक्षण का अर्थासाठी शिक्षण, बहुतांची अंतरे , महाराष्ट्र टाईम्स 9 jan 18

माननीय संपादक महोदय',

बहुतांची अंतरे ,

महाराष्ट्र टाईम्स , मुंबई 

आजच्या दृष्टिक्षेपातुन विद्यार्थ्याच्या अपमृत्यूची आकडेवारी प्रत्येक पालकाला हादरवून गेली असेल. भारतात तासाला एक आत्महत्या होताना महाराष्ट्राचा क्रमांक पहिला याचा विचार करणे अत्यंत गरजेचे आहे. कुणी करायचा याचा विचार ? अनुदान असो वा नसो भरमसाठ डोनेशन घेत प्रवेश द्यायचा आणि पुस्तके वह्या युनिफॉर्म ते सुद्धा आठवड्यात बदलणारे सर्व शाळेतून घ्यायचे. फी चा वाढता आलेख पाहून ज्ञानासाठी शिक्षण का अर्थासाठी शिक्षण हेच कळेनासे झाले आहे. शाळेची शिस्त आणि निकालाची स्पर्धा यामध्ये सापडलेल्या विध्यार्थ्याचे बालपण कधी कोमेजते  हेच कळत नाही. पालक  मुलाला आई बाबा बोलायला लागायच्या आधीच ट्विंकल ट्विंकल लिटिल स्टार गळी उतरवून आपले स्टेटस जपण्याच्या मागे आहेत. कळी उमलायच्या आधीच सुगंध कसा आहे हे सर्वाना सांगण्यात पालक धन्यता मानतात. 

    दुडूदुडू पावलांनी बागडायच्या  वयात अभ्यासाच्या घाण्याला जुंपणे म्हणजे बालमजुरीच्या आरोपाखाली पालकांवर, शिक्षकांवर गुन्हे का दाखल करू नयेत.  कोवळ्या मनावर दिलेले हे ओझे झेपले नाही तर पालवी न फुटलेले रोप कोलमडणारच. याला जबाबदार शालेय शिक्षणातील जीवघेणी स्पर्धा. आणि भली उसकी कमीज मेरी कमीजसे सफेद कैसी या जाहिरातीतील कैच लाईन चा वापर घराघरात होत असताना दिसतो. मूल किंवा मुलगी रूपातील कमीज चमकविण्याच्या नादात अधिक काळवंडले जातात याचा पत्ता लागत नाही. म्हणून मुलांच्या आवडी निवडी त्यांच्या त्या त्या वयात जपण्यात खरे शहाणपण आहे. त्यांना त्यांच्या मातृभाषेत शिक्षण द्या. प्रत्येक विषय समजून घेत अभ्यास केला तर ज्ञान आणि मार्क कुठेच जात नाही. फाडफाड इंग्लिश बोलण्यासाठी इंग्रजी माध्यम कशाला हवे. कुटुंबातील व्यक्तीने काही वेळ त्याच्याशी इंग्रजीतून संवाद साधा. त्याला विचार करताना इंग्लिश मधून करू द्या. शब्द संग्रह वाढविण्यासाठी मदत करा . शिक्षणाबरोबर नीतिमूल्ये संस्कार देण्याच्या प्रयत्नाबरोबर सामाजिक व्यवस्थेची जाण त्याच्या मनात रुजवा . अनेक सामाजिक संस्था कार्यरत आहेत त्यांच्या सोबत कार्य करताना विध्यार्थ्याला आपले जीवन घडविण्याची संधी द्या . मग पहा तो आपले आत्मभान घेत यशाच्या उच्च शिखरावर विराजमान होईल. 

                                        विठ्ठल बाबुराव घाडी 

                                        चारकोप, कांदिवली , मुंबई ६७

                                         ८१०८८८८०५६